„Младина без бог“ – претстава за загубената верба во вредностите на Европа

Од:

На фестивалот Млад отворен театар вечер ќе биде изведена првата од двете претстави кои годинава гостуваат од Хрватска – „Младина без бог“ на ЗКМ и „Монтажстрој“ во режија на Борут Шепаровиќ, во Младинскиот културен центар од 20 часот.

Според најавата на организаторот, „Младина без бог“ е жестока и предупредувачка претстава која покажува „стравотно мрачна и застрашувачка слика за делата на младите генерации, антихероите на СТЕМ-револуцијата, кои изгубиле вера во Европа и нејзините хуманистички вредности, а веруваат во профит, гејмерската индустрија, сајберуниверзумот и смртта“.

На малата сцена на Националната опера и балет од 22 часот Битолскиопт театар ќе ја изведе „Бакхи“ од Еврипид на српскиот режисер Игор Вук Торбица.

-Меѓу преостанатите и зачувани трагедии на Еврипид, „Бакхи“ се издигнува поради неколку тематски и формални причини, но можеби најважна е таа што Бакхите ја содржат алузијата на театарот сам по себе и фактот дека тие говорат за неговата скриена моќ и нашето цивилизациско сознание: моќта на раскажување приказни, се наведува во најавата.

На МОТ вечер од 18 часот е и првиот придружен настан во програмата – работилницата за специфична локација „Orbis Pictus – Оди и види“. Ќе се одржи во Железничката зграда (спроти Градежниот факултет) која на ова издание на МОТ е промовирана во нова фестивалска сцена.

Би можело да ве интересира

Заврши 46-то издание на Млад отворен театар

Ана Ололовска

Три претстави денеска на МОТ

Претставата „Модиљани“ вечер во МКЦ

Ана Ололовска

„Дневна доза мазохизам“ вечер во МКЦ

Ана Ололовска

МКЦ ги откажува сите настани и претстави од МОТ до петок

А1он

Три претстави вечерва на 46. МОТ

Ана Ололовска