Мјузиклот „Мама миа!“ подготвен за премиерата во недела

Од:

Емотивна, весела, дискаџиска претстава која ќе ве расположи и од која ќе си заминете со многу ендрофин, рече на прес-конференција режисерката на мјузиклот „Мама миа!“ Наташа Поплавска пет дена пред премиерата в недела, 24 декември, во Македонскиот народен театар.

Претставата, која интензивно се подготвуваше изминатите два месеца, е копродукција помеѓу МНТ и словенечката компанија „Проспот“ која ги има ексклузивните права за мјузиклот „Мама миа!“ во земјите од регионот. Приказната е позната и прикажана на филм – тинејџерка во потрага по својот вистински татко на еден грчки остров, раскажана преку хитовите на АББА (музика на Бени Андерсон и Бјорн Улвеус) по текст на Кетрин Џонсон.

Актерите во мјузиклот ги пеат на македонски песните на шведската група од 1970-1980-тите, освен евровизиската „Ватерло“ која е во оригинал и за крај на претставата. Препевот е на Тина Трпкоска. Поплавска, која пред две години во МНТ го постави и бродвејскиот мјузикл „Чикаго“, и овојпат соработува со кореографката Олга Панго и со диригентката Бисера Чадловска.

„Мама миа!“ ќе трае 180 минути и по премиерата на 24-ти, ќе има уште три изведби во оваа година (26-ти, 28-ми и 29 декември), а за јануари 2018 се закажани за 12-ти,13-ти и 23-ти.

Директорот на МНТ Драган Спасов соопшти дека размислуваат за македонски мјузикл со песни од македонски композитори, за кој треба да се напише љубовна приказна, а би го подготвиле за почетокот на 2019.

МНТ и оваа година ќе организира пречек на Нова година на 31 декември со настап на неколку македонски бендови и со стендап на Сашко Коцев.

Би можело да ве интересира

Музички спектакл на четири млади актерки во Јавна соба – „Girls night“

Ана Ололовска

„Дијана“ повторно на Бродвеј оваа зима

Ана Ололовска

Бродвејскиот мјузикл „Убавицата и Ѕверот“ утре премиерно ќе се одигра на школка во Градски парк

Ана Ололовска

Бродвејскиот мјузикл „Ени Јуниор“ предновогодишно во Филхармонија

Ана Ололовска

Премиера на првиот македонски филмски мјузикл „Црно-Бело“

Ана Ололовска

Музиката и танцот со сите проблеми и предизвици во првиот македонски мјузикл „Црно и бело“

Ана Ололовска