Министерот Исмаили на првата опера на албански јазик „Скендербег“

Од:

Министерот за култура Хусни Исмаили синоќа присуствуваше на премиерата на првата опера на албански јазик „Скендербег“ во Националната опера и балет, напишана од композиторот Фатос Лумани.

-Поставувањето на операта „Скендербег“ на сцената на Националната опера и балет се реализира со поддршка на Министерството за култура, соопшти ресорното министерство.

Операта „Скендербег“ е нарачана за 550 години од смртта на историскиот Ѓерѓ Кастриот и требаше да биде изведена минатата година. Операта е во два чина – првиот го опфаќа животот на Скендербег во Турција, а во вториот неговото враќање во родната Круја.

Настапија солисти Албанци од земјава, Албанија и од Косово, а насловниот лик го играше Армалдо Клоѓери.

Режисер на оперската претстава е Чендрим Ријани, кореограф Артан Ибершини, а диригент Олси Ќинами. Костимите ги изработи Марија Пупучевска. Во изведбата учествуваа хорот, оркестарот и балетскиот ансамбл на Националната опера и балет.

Би можело да ве интересира

Исмаили: Институциите од областа на културата со онлајн програма

Ана Ололовска

Мечкин Камен прогласен за значајно културно наследство

Ана Ололовска

Откажана оперската претстава „Кармен“ што беше најавена за 13 март

Ана Ололовска

Ана Дурловска доби позитивна критика за настапот во Големиот театар во Женева

А1он

Во кино „Фросина“ промовирана книгата „Јас сум Цако“

А1он

Едукативна изложба и базар на ракотворби за промоција на мартинките

Ана Ололовска