Министерот Асаф Адеми ја посети „Спомен-куќата на Мајка Тереза“

Од:

Министерот за култура Асаф Адеми денеска ја посети Националната установа „Спомен-куќа на Мајка Тереза“, посветена на светицата Мајка Тереза.

Во рамките на посетата, како што соопштуваат од прес-службата на Министерство за култура, министерот Адеми од директорот на установата Ариан Асланај бил запознаен со активностите на оваа национална музејска установа, која годинава одбележува значаен јубилеј – 10 години од своето постоење, како и со проектите што се реализираат со поддршка од Министерството за култура.

-Во тој контекст, директорот Асланај информираше дека во музејот, кој е еден од најпосетените во градот, е поставено ново осветлување, а во завршна фаза е и реконципирањето на постојаната поставка, која ќе биде збогатена со нови фотографии, оригинални документи и артефакти поврзани со животот и делото на големата хуманистка и добротворка Мајка Тереза, се наведува во соопштението од Министерството за култура.

Министерот Адеми бил запознаен и со текот на подготовките на оваа установа за претстојната посета на поглаварот на Римокатоличката црква, папата Франциск, првиот папа што ќе ја посети нашата земја.

Би можело да ве интересира

Концерт на Интернационалниот младински оркестар „Bisyoc“

„Ноќ на разноличноста“ вечер на „Лето на тетовската култура“

Исмаили: Да се организира две децении Меѓународен саем на книгата во Улцињ значи да се изгради летен културен идентитет на градот

Ана Ололовска

Во Битола отворена изложба на Абориџинска култура

Ана Ололовска

Министерот Исмаили го посети археолошкиот локалитет „Градиште“ – Девол Град

Ана Ололовска

„Сестра Касијана“ нов роман на авторот Добре Тодоровски