Меѓународен филозофски дијалог „Исток – Запад“ третпат ќе се одржи денеска во Скопје, во организација на Македонската академија на науките и уметностите, Меѓународниот славјански универзитет „Гаврил Романович Державин“ и Филозофското друштво на Македонија.
Тема на годинашниот собир е „Филозофија на образованието & филозофија во образованието“.
Како што е најавено, на настанот ќе учествуваат истакнати академици, професори и филозофски истражувачи од Франција, Русија, Србија и Македонија.
Дијалогот „Исток – Запад“ ќе продолжи утре во Битола, а ќе заврши на 6 октомври во Охрид.