„Matka Summer Fest“ на 28 и 29 јуни

Од:

За првпат оваа година ќе се одржи интердисциплинарен фестивал „Matka Summer Fest“, кој претставува неколку дневен летен фестивал, каде на отворено ќе се преплетат различни уметности.

Фестивалот ќе се одржи на Матка (во дворот на Fresh lounge bar), на едно од најфреквентните туристичките места во земјава, кое е посетено како од странци така и од локалното население, но најчесто преку ден, затоа што за жал во текот на вечерните часови не само што ретко може да се забележат посетители, туку, исто така, недостасуваат културни понуди и содржини, што би ја оживеале Матка и во текот на доцните вечерни часови.

Затоа, овој фестивал има за цел токму тоа, првично Матка воопшто да има културна понуда за своите посетители, а посебно да и се даде на Матка заслужениот ноќен сјај. Преку овој фестивал, имаме за цел истовремено позитивно да влијаеме врз културната понуда, разновидноста, промоцијата, развојот на туризмот и бизнис секторот во земјата.

Централниот настан на фестивалот се концертите што ќе се одржат на 28 и 29 јуни, каде што ќе учествуваат Bla Bla Bla… и Offchestra (28-ти јуни) и Мухамед Ибрахими и Jericho (29 јуни), кои ќе бидат проследени со dj Electron и dj Pitti.

Покрај централниот настан, како дополнителна програма, исто така, ќе бидат неколкудневната изложба на фотографии од Матка направени од страна на шест млади фотографи (Арбнора Мемети, Ана Ристевска, Еркан Рамадани, Мирсад Бекир, Стефан Семандов и Зоран Шекеров) и други перформанси кои ќе се одржат неколку дена пред централниот концерт.

Фестивалот „Matka summer fest 2019“ е поддржан од Министерството за култура на РCМ.

Влезот на сите фестивалски настани е бесплатен.

Би можело да ве интересира

(ВИДЕО) Муамер Абедин, самоук музичар на повеќе од десет инструменти: Научив да свирам од велешката чалгија во која уживал и турскиот султан

Орце Костов

Костадиновска-Стојчевска објасни: Не финансираме фестивал во Косово, туку наши театри кои ќе учествуваат

А1он

Детска интерактивна музичка претстава „Операта на шумските животни“ во НОБ

Предраг Петровиќ

Отворање на изложбата „Носиме уметност“

„Кавалерија рустикана“ од Пјетро Маскањи во НОБ

Во Битола премиера на театарската претстава „Вујко Вања“

Предраг Петровиќ