„Mалограѓанска свадба“ – премиера на Тетовски театар

Од:

Тетовски Театар денеска ќе ја изведе премиерата на претставата „Малограѓанска свадба“ од Бертолт Брехт. Режијата е на Теа Беговска од Драмски Театар Скопје, а претставата во Центарот за култура „Иљо Антески-Смок“- Тетово ќе почне во 19 часот.

Улогите ги толкуваат Арсим Калеци, Ирена Мирческа, Миа Кантарџиева Петровска, Ѓорѓи Нешкоски, Елмир Сејфулаи, Гордана Ендровска, Арѓенд Хасани и Беким Смаили.

– Среде свадбена вечера каде што публиката е сведок на времето, времето сега и овде, толпа малограѓани ја рушат идеалната слика за брак претворајќи ја во гротеска. Во нашиот простор и време секојдневно ја храниме малограѓанштината, ја одржуваме во живот, ја негуваме, и’ се смееме, вперуваме прст во неа и истовремено ја прифаќаме. Нашата приказна завршува таму каде што не постои простор и време, завршува таму каде што животот трче без престан, таму каде што се сакаме да чуеме, а не слушаме, таму каде што се сакаме да видиме, а не гледаме. Таму каде што се повеќе добива смисла паролата на Брехт – „Државата ни пропаѓа, а вие – државата ни пропаѓа“, велат од Тетовски Театар за суштината на најновата изведба.

Репризата е предвидена за утре исто така со почеток во 19 часот.

Би можело да ве интересира

Светски ден на театарот, бесплатни претстави во Скопје

(ВИДЕО) Српски актер го прекина настапот поради жена која телефонираше: Немам нерви како коњ

Предраг Петровиќ

Во Битола премиера на театарската претстава „Вујко Вања“

Предраг Петровиќ

Премиера на „Петар Пан“ во Струга, средствата од влезниците хуманитарно за Бојан

Ана Ололовска

По повеќе од 30 години прво гостување на македонски театар на сцената на Народниот театар во Албанија

Ана Ололовска

Музички спектакл на четири млади актерки во Јавна соба – „Girls night“

Ана Ололовска