Мал драмски театар-Битола вечер во театарот во Враца, Бугарија, премиерно ќе ја изведе претставата „Грав“ од Елин Рахнев во режија на Љупчо Ѓоргиевски.
Станува збор за копродукциски проект на Мал драмски театар-Битола со Драмско – Куклениот Театар од Враца, во кој учествуваат битолчанката Јоана Поповска заедно со актерите Анастас Попдимитров и Георги Грозев од Бугарија.
Музиката ја компнираше Марјан Неќак, а сценографијата и костимите ги изработи Марија Диманова, информираат од Мал драмски театар-Битола.
– Театарот од Враца со Мал драмски од Битола на крајот на следниот месец премиерно ќе ја изведат и претставата „Човекот е човек” од Бертолд Брехт во режија на Мартин Кочовски, изјави продуцентот Александар Лозановски.
Мал драмски театар-Битола вомеѓувреме подготвува уште една театарска претстава во соработка со театар од странство. Станува збор за претставата „Крал Рес” од Еврипид во режија на Павлос Данелатос која е во копродукциска соработка со театарот „Андреас Воутсинас“ од Солун, Грција и која премиерно ќе биде изведена на 16-ти април во Битола.