Прилепскиот ликовен уметник, карикатурист и сатиричар, Златко Крстевски со слики и сатирични видувања учествува на интернационалната изложба „Живот со корона“ во соработка со Хрватското друштво за ликовна уметност „Ликум“ од Загреб.
Крстевски со дела поврзани со пандемијата од коронавирусот пред три недели учествуваше и на изложбата во Иран.
Покрај виртуелната изложба, планирани се изложба и печатен каталог.
Со свои дела нашиот уметник ќе учествува и на други интернационални изложби, насловени како „Уметност од изолација“ и „Уметност од карантин“.