Македонски автори на стрип-фестивал во Пожаревац

Од:

На Фестивалот на стрип и карикатура, или скратено „Стрика фест 2018“, кој се одржа вчера, во српскиот град Пожаревац, покрај домашните стрип-творци, не изостанаа и такви од Македонија. Меѓу мноштвото изложени дела, на изложбата поставена во холот на Центарот за култура во Пожаревац, посетителите имаа можност да се запознаат и со анти-воениот стрип од 12 табли – „Надежта е нешто пердушесто“, кој по сценарио на Александар Стеванов го илустрира дипломираниот ликовен уметник Дарко Богданов.

„Стрика фест“, кој годинава се одржува по вторпат, е во организација на здружението „Креативна оштрица“, а е реализиран со финансиската поддршка на Градот Пожаревац. Освен изложбата, во склоп на фестивалот одржани беа и работилници за карикатура и стрип, а на берзата составена од неколку штандови, вљубениците во деветтата уметност имаа можност да се запознаат и со најновите стрип-публикации.

Од организаторот порачуваат дека фестивалот и годинава успеа „на едно место да ги собере љубителите на стриповите и карикатурите, нивните издавачи, колекционерите и уметниците кои ги создаваат овие дела.“ А што се однесува до македонските стрипаџии, по учествата на фестивалите во Крагујевац, Лесковац, Белград, Нови Сад, Велес, Ваљево, а сега и Пожаревац, особено имајќи ги предвид неколкуте освоени награди, слободно би можело да се каже дека успешно ја завршуваат и оваа стриповска година.

Би можело да ве интересира

Објавена третата стрип книга за Итар Пејо

А1он

Игор Стевковски ја доби наградата за најдобар карикатурален стрип во Лесковац

Ана Ололовска

Предавање „Стрип и ангажман“ на Томислав Османли

Ана Ололовска

Стрип-илустрирање на скопските митолошки јунаци и културни добра

Ана Ололовска

Отворен Конкурс за 17-тиот Меѓународен салон за стрип – Велес 2019

Ана Ололовска

Прва годишна награда за стрип „Лифт“

Ана Ололовска