„Македонска сага“ – книга рецензии за современиот македонски филм

Од:

Книга за современиот македонски филм од осамостојувањето на земјава до денес, насловена „Македонска сага“, објави новинарката и филмска критичарка Сунчица Уневска. Тоа е нејзина втора книга рецензии за филм, по претходната „Седмиот печат“, но овојпат посветена целосно на македонскиот филм.

Содржи рецензии за 45 македонски филмови, почнувајќи од „Македонска сага“ (1993) на Бранко Гапо, па сè до „Втора шанса“ (2019) на Марија Џиџева. Покрај рецензиите, Уневска прави и избор на новинарски текстови и коментари кои зборуваат за состојбата со филмот во одредени периоди, како и текстови за филмови кои на свој начин и секој во своето време ги одбележале изминатите триесетина години. Рецензиите, написите и коментарите се објавени онака како што биле објавени во времето кога се појавил филмот.

– За разлика од порано, тоа е доста турбулентен период во поглед на филмската продукција во нашата земја, во кој доживеавме и најголеми успеси, но и многу големи падови, кога македонската кинематографија стана непрепознатлива во светот. Денес не е така, многу нешта во меѓувреме се сменија, а најмногу свеста дека македонскиот филм мора одново да се пронајде себеси и да го фати чекорот со тековите во светот. Некои нови проблесоци ветуваат дека не е сè загубено, истакнува Уневска за својата нова книга која е издание на „Аквариус“.

Би можело да ве интересира

Почина познатиот британски режисер Алан Паркер

А1он

Светска премиера на краткометражниот филм „Вера“ на Балкан филм фестивал во Измир

Ана Ололовска

„Трамунтана“ од Шпанија ја објави сликовницата „Џиновска продавница за фантазии“

Ана Ололовска

Промоција на книгата „Нека играат децата“ од Денис Бојаров

Ана Ололовска

Се снима филм за Тома Здравковиќ

Ана Ололовска

Објавена книгата урбани есеи „Медиумот што недостасува“ од Томислав Османли

Ана Ололовска