„Македоника литера“ на 27. Меѓународен саем на книгата во Пекинг

Од:

Во Пекинг утре ќе се одржи форум на Здружението на издавачи на Кина и Централна и Источна Европа 17 +1, на кој со свој говор ќе учествува и Нове Цветаноски, управител на издавачката куќа „Македоника литера“, која е член на асоцијацијата уште од нејзиното основање. Форумот ќе се одржи на интернет-платформа, а темата е преведувањето класици од општествените науки и заемното учење меѓу цивилизациите.

Како што соопшти „Македоника литера“, од 26 до 30 август во Пекинг ќе се одржува 27. Меѓународен саем на книгата, на кој, поради ситуацијата со корона вирусот, доминантно учество ќе имаат кинеските издавачи.

-На саемот своевидно учество ќе има и „Македоника литера“, чии македонски изданија на кинески книги ќе бидат изложени на штандовите на издавачите – партнери со коишто соработува „Македоника литера“. Изданија на „Македоника литера“ на овој саем беа изложувани и во изминатите три години. Годинашниот меѓународен саем на книгата во Пекинг ќе се одржи под мотото „Живеј читајќи“, а една од поголемите манифестации на саемот ќе биде изложбата на книги за деца, на која ќе бидат изложени десет илјади наслови на 14 јазици, меѓу кои и на македонски. Имено, ќе биде изложена серијата на македонски јазик „Најдобрата кинеска литература за деца“, соопшти „Македоника литера“.

Меѓународниот саем на книгата во Пекинг ќе има и интернетска верзија и ќе се одржи еден месец подоцна, односно од 26 до 30 септември и на кој, исто така, ќе учествува „Македоника литера“.

Нашата издавачка куќа учествуваше и на Првиот меѓународен виртуелен саем на книгата во Кина, кој се одржа на крајот на јули годинава, а го организираше глобалната кинеска медиумска корпорација Кинеска интернационална издавачка група (ЦИПГ).

Би можело да ве интересира

Промоција на монографијата „Чашуле: Приказнувачот“ на Ана Стојаноска на фестивалот „Војдан Чернодрински“ во Прилеп

Ана Ололовска

Работилница за книжевен превод „Без фусноти“

Ана Ололовска

Промоција на книга на Оливера Доцевска во Белград

Ана Ололовска

Промоција на романот „Полиглот“ од Игор Станојоски

Ана Ололовска

Избор од поетското творештво на Иван Антоновски објавен во Србија

Ана Ололовска

Промоција на книга од Дијана Петрова во Градската библиотека

Ана Ололовска