Македонија во чест на свети Кирил по 48. пат во Рим

Од:

Република Македонија по 48. пат денеска и утре во Рим ќе го чествува Денот на сесловенските просветители Кирил и Методиј. Во рамките на манифестацијата „Македонија во чест на свети Кирил“, во Понтификалниот универзитет „Урбанијана“ денеска во 18 часот ќе биде отворена изложбата „Свети Климент Охридски и неговите претстави во ликовната уметност“ на Заводот за заштита на спомениците на културата и музеј – Охрид.

Со изложбата, која е во духот на големиот празник, Република Македонија го одбележува и значајниот јубилеј 1100 години од упокојувањето на светителот Климент.

На изложбата ќе бидат претставени вредни икони поврзани со ликот и делото на свети Климент, копии од фрески од повеќе цркви и манастири во Македонија, како и фотографии од објекти во кои се изложени моштите на охридскиот заштитник. За изложбата е изработен и двојазичен каталог со пригоден текст за св. Климент Охридски и неговото значење за македонскиот народ, како и за неговите ликовни претстави во Македонија и на балканските простори.

Како дел од културната програма, концерт ќе одржи македонскиот гитарист Дарко Багески, кој ќе исполни композиции од македонски и од странски автори.

Во рамките на традиционалното чествување на делото на светите браќа Кирил и Методиј во Рим, во текот на изминатите години,  со поддршка од Министерството за култура беа претставени изложби, меѓу кои: „Македонски бронзи“, „Антички теракотни фигурини од Македонија“, архивската изложба „Македонија низ вековите“, „Словенски ракописи од Македонија од 13 до 19 век“ кои беа презентирани во престижните Ватикански музеи, изложбата на „Македонска резба“ поставена во монументалниот простор на  комплексот Виторијано во Рим. Како што наведуваат од Министерството за култура, со годинашната изложба на Заводот и музеј од Охрид насловена „Св. Климент Охридски и неговите претстави во ликовната уметност“, Република Македонија  го продолжува континуитетот во претставувањето на високите вредности на македонското културно наследство и творештво пред европската и светската јавност.

Би можело да ве интересира

Ден на сесловенските просветители Свети Кирил и Методиј

Ана Ололовска

Џафери и македонска делегација на молебен во базиликата „Сан Клементе“ во чест на Свети Кирил и на аудиенција кај папата Франциск

Ана Ололовска

Започна дводневното одбележување на Денот на сесловенските просветители Кирил и Методиј, 24 Мај

Млади музичари од МБУЦ „Илија Николовски-Луј“ дел од програмата на чествувањето на Кирил и Методиј во Рим

Ана Ололовска

Џафери предводи државно – црковна делегација во Рим и Ватикан на манифестацијата во чест на Св. Кирил

Ана Ололовска

Свечености по повод 74-годишнината од основањето на Универзитетот „Св. Кирил и Методиј

Ана Ололовска