Македонија ќе биде претставена на Балканскиот филмски фестивал во Истанбул

Од:

Заменик-министерот за култура и туризам на Република Турција Ахмет Мисбах Демирџан и претставниците на Генералниот директорат за кинематографија на Република Турција одржаа низа средби во Северна Македонија во рамки на подготвителните активности за одржувањето на годинашното издание на Балканскиот филмски фестивал.

dobivaj vesti na viber

Како што соопштија од Турската амбасада, како резултат на овие средби на кои присуствуваа претставниците од филмскиот сектор на Република Северна Македонија, беа утврдени генералните црти на Балканскиот филмски фестивал, кој ќе се одржи во Истанбул. Фестивалот има за цел да ги обедини претставниците од филмскиот сектор на балканските земји и да ги зголеми нивните заеднички културни активности и комуникации.

На средбите чиј домаќин беше амбасадорот на Република Турција Хасан Мехмет Секизќок, присуствуваа и генералниот директор за кинематографија на Република Турција Еркин Јилмаз и советничката за култура и промоција на Република Турција во Скопје Чигдем Ѓуллу.

-За оваа цел, заменик-министерот за култура и туризам на Република Турција Ахмет Мисбах Демирџан оствари средби со министерката за култура Ирена Стефоска, директорот на Агенцијата за филм Бојан Лазеревски, директорот на Вардар Филм Сани Саиди, директорот на фестивалот на филмската камера „Браќа Манаки“ Симеон Дамевски и продуцентот на филмот „Медена земја“ Атанас Георгиев, наведуваат од Амбасадата.

Би можело да ве интересира

„Џон Вик 4“ ќе биде најдолгиот филм во серијалот, вели режисерот

Филмот „Avec l’amour” вечерва на „Кино на отворено” во Кисела Вода

Ана Ололовска

Вечерва „Cinema Komunisto”, утре “Стела” на „Кино на отворено” во Кисела Вода

Ана Ололовска

Aвторска вечер на Лазар Нелковски, ќе биде прикажан неговиот прв документарен филм „Скопје – Градот на трудот

„Сивиот човек“ најгледан филм на „Нетфликс“

Премиера на филмот „Синиот час”