Маја Вељковиќ-Пановска е нов в.д. директор на Драмски театар Скопје

Од:

Актерката Маја Вељковиќ-Пановска е нов в.д. директор на НУ Драмски театар Скопје (ДТС). Доаѓа на местото на досегашната директорка Катарина Коцевска-Хаџи Василева која, како што соопшти ДТС, се повлекува од лични причини.

Маја Вељковиќ-Пановска дипломирала актерска игра на Факултетот за драмски уметности во Скопје во 1993 година, има остварено повеќе улоги на сцените на повеќе театри низ земјава, а во Драмски е вработена од 1999 година. Покрај театарски улоги, има учествувано и во филмови: „Последниот фалцер“ (2000); „Големата вода“ (2004); „Бардо“ (2012); „Незрели цреши“ (2015).

Добитник е на наградата „Трајко Чоревски“ за најдобар млад актер за улогата на Жената во претставата „Духот на лименката” на фестивалот „Војдан Чернодрински “ во 1999; а на овој фестивал во 2002 ја добила и Наградата за епизодна улога „Димче Трајковски“ за улогата на Маре во претставата „Тетовирани души“.

-Со своето богато професионално искуство, Маја Вељковиќ-Пановска несомнено ќе даде значителен придонес во реализацијата на програмата за работа и унапредување на театарската дејност во националната установа.Колективот на Драмски театар изразува благодарност на досегашната директорка Катарина Коцевска Хаџи Василева која од вработувањето во 1983 година е член на ансамблот на Драмски театар Скопје, наведува ДТС во соопштението.

Би можело да ве интересира

Драмски театар Скопје ја именува големата сцена „Ристо Стефановски“

Драмски театар со претставата „Фирма“ гостува во Словенија

Премиера на „Падот на Масада“ во Драмски театар

Драмски театар Скопје со претставата „Мојот маж“ учествува на фестивалот РУТА во Хрватска

Драмски театар Скопје со претставата „Мојот маж“ учествува на фестивалот РУТА во Хрватска

Катерина Ѓуровски

Драмски театар Скопје утре гостува во Приштина

Ана Ололовска