„Љубовен автомобил“ – најдобар филм на „Киненова“

Од:

Германскиот филм „Љубовен автомобил“ по сценарио и режија на Елкe Маргарете Леренкраус е прогласен за најдобар филм во главната конкуренција на четвртиот фестивал за дебитантски филм „Киненова“.

Наградата за најдобра режија му е доделена на Бабис Макридис за грчкиот филм „Сожалување“, рускиот филм „Човекот кој ги изненади сите“ ја доби наградата за најдобро сценарио напишано од сопружниците Алексеј Чупов и Наталија Меркулова.

Специјална награда за најдобра улога ѝ е доделена на актерката Снежана Богдановиќ за улогата во српскиот филм „Шевови“ на режисерот Милорад Терзиќ.

Тричлено жири во состав Витали Мански (претседател) и Јесин Устаоглу и Ана Хофман (членови) одлучи за наградите во главната програма во која се натпреваруваа седум филма, а беа доделени синоќа во Кинотеката.

Во конкуренција на кратки филмови, наградата за најдобар меѓународен краток филм ја доби „Капетанот“, најдобар македонски краток филм е „Готлиб“, а специјална награда добија „Мојата сестра“ и „Змијулче“.

Фестивалската програма на „Киненова“ продолжува со програмата „Фокус на современата унгарска кинематографија“ во која од денеска до 13 октомври ќе бидат прикажани филмовите „За тело и душа“ и „Мојот 20 век“ по сценарио и режија на Илдико Ењеди, и „Нежен син: Проектот Франкештајн“ и „Јупитеровата месечина“ по сценарио и режија на Корнел Мундручо.

Би можело да ве интересира

Доделување награди на филмскиот фестивал „Киненова“

Ана Ололовска

Витали Мански за „Путиновите сведоци“: Сакав да покажам колку е опасно експериментирање со демократијата

Предраг Петровиќ

Почнува фестивалот за дебитантски филм „Киненова“, актерката Тања Бошковиќ специјална гостинка

Ана Ололовска

Тања Бошковиќ ѕвезда на фестивалот „Киненова“

Ана Ололовска

Седум филма во конкуренција на 4. Фестивал за дебитантски филм „Киненова“

Ана Ололовска

Агенција за филм: „Киненова“ не ги задоволуваше критериумите на Филмскиот совет