„Лебедово езеро“ со првенци од Холандскиот национален балет

Од:

По отворањето со Вердиевата „Аида“ во четвртокот, програмата на 47. Мајски оперски вечери продолжува со „Лебедево езеро“ на Чајковски, единствената балетска претстава меѓу шесте опери на годинашниот фестивал.

Во улогата на Одета и Одилија, белиот и црниот лебед, ќе настапи Маја Махатели од Грузија, а ликот на принцот Зигфрид ќе го игра Артур Шестериков од Русија. Двајцата се првенци на Холандскиот национален балет и имаат богата балетска кариера. Во улогата на Ротбарт, пак, ќе настапи Давиде Буфоне од Италија.

Настапува балетскиот ансамбл и оркестарот на Националната опера и балет. Кореографијата е на Виктор Јаременко од Украина, диригент е Бисера Чадловска, сценограф Андреј Злобин и костимограф Гана Ипатиева. Националната првенка на Хрватска Ирена Пасариќ, како главен репетитор и педагог, е задолжена за подготовките и пробите на балетскиот ансамбл.

Следен фестивалски термин е 15 мај кога во Националната опера и балет ќе биде изведена операта „Лучија од Ламермур“ на Гаетано Доницети.

Би можело да ве интересира

Двојна изведба на балетската претстава „Заспаната убавица“ од П. И. Чајковски

На Денот на шегата и маските уште две претстави на „Петар Пан“

Ана Ололовска

Балетската претстава „Жизел“ во Националната опера и балет

Ана Ололовска

Изведба на оперската претстава „Боеми“ во Националната опера и балет

Ана Ололовска

Изведба на балетската претстава „Дон Кихот“ од Лудвиг Минкус

Ана Ололовска

Националната опера и балет со балетската претстава „Госпоѓиците од Авињон” во Пловдив

Ана Ололовска