Културно-забавна програма и изложба на традиционални ромски занаети, јадења и облека во Кочани

Од:

Изложба на изработки од традиционалните ромски занаети, како и на карактеристични ромски јадења и облека организираше здружението „Светла иднина“ од Кочани, во рамки на одбележувањето на 8 Април, Светскиот ден на Ромите.

Во Центарот за култура „Бели мугри“ се одржа и културно-забавна програма на која настапија десетина групи од детската градинка „Павлина Велјанова“ и повеќе музички состави со мешана етничка припадност.

-Сакаме го истакнеме заедништвото меѓу ромското население и останатите етнички заедници во локалната средина, а што во Кочанско има долга традиција на толеранција и соживот. Истовремено, остануваме на определбите да бараме од локалните власти да продолжат да работата на надминување на проблемите со кои се соочува ромската заедница, пред се во сферата на инфраструктурата, но и во образованието и социјалната заштита, истакна Мануела Саидова, извршен директор на Центарот за културна, комуникација и едукација на Ромите „Светла иднина“.

По повод празникот, честитка до сите припадници на ромската националност упати градоначалникот на Општина Кочани, Николчо Илијев, кој повика на меѓусебно почитување и толеранција. Притоа, изрази подготвеност во рамките на надлежностите на единицата на локалната самоуправа да се интервенира секаде каде што има потреба да се подобри животот на граѓаните од Кочани, без оглед на нивната националност и верска припадност.

Куриозитет на настанот беше настапот на прочуениот кочански трубач Неат Велиов, основач на светски познатиот „Кочани оркестар“, кој свиреше во придружба на „Старс бенд“.

Би можело да ве интересира

Курто Дудуш: Денеска се сеќаваме на 75 години од Холокаусот на Ромите

Концерт на Интернационалниот младински оркестар „Bisyoc“

Комеморација за Денот на геноцидот врз Ромите во Втората светска војна

Ана Ололовска

„Ноќ на разноличноста“ вечер на „Лето на тетовската култура“

Исмаили: Да се организира две децении Меѓународен саем на книгата во Улцињ значи да се изгради летен културен идентитет на градот

Ана Ололовска

Во Битола отворена изложба на Абориџинска култура

Ана Ололовска