Краткиот филм „Скакулци“ на младиот автор Ханис Багашов првонаграден на European Short Pitch

Од:

Во рамки на European Short Pitch, краткиот филм во развој „Скакулци“ на младиот македонски филмски автор Ханис Багашов ја доби првата награда, која ја доделува Région Bretagne.

European Short Pitch е пан-европска иницијатива на Ниси Маса за поддршка на млади таленти во областа на краткиот филм, во чии рамки оваа година се најде и „Скакулци“, во копродукција на ОХО Продукција и La Belle Affaire Productions од Франција. Овој краток филм во развој „пичираше“ на Форумот на копродукција, кој се одржа од 12-15 ноември 2020 во партнерство со Европскиот фестивал на краток филм „Брест“, откако претходно беше селектиран помеѓу 12-те најдобри од преку 160 пријавени проекти на Ниси Маса.

Филмскиот проект „Скакулци“ [“Grasshoppers”] на Ханис Багашов е во развој повеќе од една година. Ко-продуценти се Илија Тирицовски [OXO Продукција] и Жером Блесон [La Belle Affaire Productions], од каде имавме силна поддршка и помош во подготовката на проектот за European Short Pitch.

Оваа награда претставува голем поттик и мотив и во следниот период продукциите ќе работат на обезбедување на средства за продукција, првично од филмските фондови од матичните земји.

„Скакулци“ е приказна за забранетата љубов, отуѓеноста и интерпретацијата, односно разбирањето, која се одвива во текот на еден ден во магливо поле полно со скакулци. За приказната, самиот автор појаснува: „Копнежот на еден човек е како вода која се пробива низ камења.“

Би можело да ве интересира

Студенти од Куманово снимија долгометражен филм „Приказ“ во вонредни услови

Ана Ололовска

Објавен е официјалниот трејлер на филмот „Дара од Јасеновац“, српски кандидат за Оскар

Ана Ололовска

Србија: Државата ќе покрива најмалку четвртина од трошоците за снимање филмови и серии

Жарко Настоски

„Хомо“ на Игор Иванов-Изи во официјалната програма на фестивалот во Гоа

Ана Ололовска

Светска премиера на „Хомо“ во јануари на 51. ИФФК во Гоа

Ана Ололовска

Доделени наградите на 49. Државен фестивал на непрофесионален филм

Ана Ололовска