Концертот на финскиот пијанист Мустонен е одложен во 21 часот

Од:

Концертот на финскиот пијанист Оли Мустонен на фестивалот „Охридско лето“ што беше закажан за вечерва 20 часот, се одложува во 21 часот.

Виртуозот на пијано Мустонен ќе настапи во црквата „Света Софија“ во рамките на традиционалната Вечер на Европската унија.

Се работи за голем уметник кој започнува да учи пијано на само 5-годишна возраст, а негов учител бил еминентниот пијанист Ралф Готони. Во светот е познат по неговите врвни интерпретации на пијаното, додека пак во родната Финска е многу ценет како композитор. Мустонен исто така е ангажиран и како диригент на Фестивалскиот оркестар во Хелсинки кој самиот го основа. Покрај тоа го предводи оркестарот Тапиола Симфониета и е уметнички директор на Музичкиот фестивал во градот Турку.

Во 1991 година потпишува ексклузивен договор со издавачката куќа Дека за која снима ЦД со Прелудиуми од Шостакович и Алкан, издание кое е наградено од страна на списанието Грамофон за Најдобра инструментална изведба. Голем број од снимените материјали на Мустонен ги издава финската компанија „Ондине“. Како инструменталист е особено активен на концертните подиуми во Европа и Австралија, а композиторот Родион Шчедрин му го посветува Концертот за пијано и оркестар бр. 5

Би можело да ве интересира

„Охридско лето“ ја носи куклената претстава „Тоби“ за најмладата публика

Ана Ололовска

Македонската музика низ зборови и звуци на „Охридско лето“

Ана Ололовска

Работилница посветена на македонската музика во рамки на „Охридско лето“

Ана Ололовска

„Охридско лето“: Вечна благодарност и почит кон Џеси Норман за нејзината големина

Ана Ололовска

Згасна фестивалскиот оган на Античкиот театар, спуштена завесата на „Охридско лето“

Ана Ололовска

Поповиќ: „Охридско лето“ и оваа година понуди квалитет, започнуваат подготовките за јубилејното 60. фестивалско издание

Ана Ололовска