Концерт во чест на Благој Цанев на 40. Денови на македонска музика

Камерниот оркестар „Солисти на ФМУ“ вечер во рамки на 40. Денови на македонска музика ќе одржи концерт по повод 80-годишнината од раѓањето на Благој Цанев, во салата „Империјал“ на Македонската опера и балет. Солист на вечерта ќе биде пијанистот Дино Имери, а концертот ќе го води диригентот Борјан Цанев.

На програмата на концертот е избор од опусот на композиторот Цанев создаден во различни творечки периоди: „Ленто“ за гудачки оркестар, „Суита интермеца“ за пијано, фолклорна суита „Овчеполска“ за гудачки оркестар, Три пиеси за пијано, „Пасакаља и Пајдушка“ за гудачки оркестар и Концертот за пијано и гудачки оркестар.

Благој Цанев (8 авуст 1937) е истакнат претставник на македонската композиторска школа, добитник на бројни награди и признанија, автор со голем и разновиден творечки опус, изведуван во Македонија и надвор од границите.

Тој е прв дипломец на Факултетот за музичка уметност во Скопје (оддел за музичка теорија и педагогија), а потоа студент по композиција во класата на проф. академик Властимир Николовски. По дипломирањето целосно ѝ се посветил на педагошката дејност работејќи во Нижото и Средното музичко училиште во Скопје, а потоа и како долгогодишен професор на Факултетот за музичка уметност.

Покрај тоа, бил и предавач на голем број стручни семинари и музички манифестации во земјава и во странство. Цанев е долгогодишен врвен музички педагог, автор на најголемиот број музички учебници во Република Македонија и еден основачите на фестивалот „Златно славејче“.

– Творечкиот опус на композиторот Благој Цанев изминува пат од традиционалните форми и израз, кон развиените музички родови и видови на современиот музички израз. Во него напоредно е вткаен белегот на македонскиот музички фолклор, трансформиран низ повеќе музички постапки. Чистиот и јасен приод и рационалноста во третманот на творечко изведувачката материја е уште една од значајните карактеристики на неговите дела, наведува организаторот во најавата за концертот.

Би можело да ве интересира

Ученици од ДМБУЦ на Фестивал на млади музичари од Медитеранот

Ана Ололовска

„Квази бурлеска“ од Пандевска, со пијанистката Дуња Иванова и групата „Светлост“

Ана Ололовска

Концерт на германскиот „Мингет квартет“

Ана Ололовска

Премиера на „Квази бурлеска“ од Пандевска, со Дуња Иванова на пијано и групата „Светлост“

Ана Ололовска

Концерт на „Трио џентлмен” во Крива Паланка

Ана Ололовска

Започна велешкото културно лето „Велес фест“

Ана Ололовска