Концерт „RADIOHEADJAZZ!“ на Биг-Бендот на Здружението на џез-музичари

Од:

Биг-Бендот на Здружението на џез-музичари на Македонија, во големата сала на Филхармонијата вечер во 20 часот, ќе ги изведе најдобрите теми на една од најпопуларните групи на сите времиња – „Рејдиохед“, под диригентската палка на Зиги Фајгл од Австрија.

Станува збор за исклучителен проект под наслов „RADIOHEADJAZZ!“ со уникатна содржина – џез-верзии на песните на британската алтернативна рок-група „Рејдиохед“ – група која од своето постоење до денес, изврши огромно влијание на повеќе генерации музичари ширум светот, група која донесе прогресивен, иновативен, моќен звук. Џез-аранжманите на композициите на Рејдиохед ќе бидат уникатна фузија меѓу различните музички правци, и тоа по првпат ќе биде претставено на македонската музичка сцена.

-Проектот „RADIOHEADJAZZ!“, да се изведат теми од современиот алтернативен рок-бенд и тоа во џез-аранжмани, е навистина силен предизвик за уметниците, но и за публиката, и е оригинална идеја која ќе донесе иновација на нашата сцена, соопштуваат од Здружението на џез музичари.

Со овој проект, ЗЏМ ја проширува својата репертоарна политика, ги проширува естетските хоризонти, го збогатува својот музички израз и профил насочувајќи се кон една поинаква звучна патека.

Би можело да ве интересира

Јордан Костов, „Кобалт код унит“ и „Светлост“ вечер на фестивалот „Крај Вардарот џез“

Ана Ололовска

Баги Биг Бенд со видео за Светскиот ден на џезот

Ана Ололовска

Онлајн видео концерти за Меѓународниот ден на џезот

Ана Ололовска

Македонската Филхармонија ќе донира 130 илјади денари за Инфективната клиника

А1он

Седи дома со Филхармонија!

Ана Ололовска

Филхармонија ги откажа сите концерти до крајот на месец март

Ландов