Концерт на КУД „Бисер“ од Кичево пред прилепската публика

Од:

Културно-уметничкото друштво „Бисер“ од Кичево гостуваше во Прилеп со целовечерен концерт. Членовите на Друштвото во најдобро светло се претставија пред прилепската публика и покрај подолгата пауза без активно работење поради Ковид-19.

– На платото на Центарот за култура „Марко Цепенков“ во Прилеп вечерва одржавме целовечерен концерт со кој се претставивме пред прилепската публика. Нашите играорци се претставија со сплетови ора и игри „Лазаренка“, „Ѓурѓовден“, „Посеље“, „Истерување на чумата“ и „Копачија“, истакна Цане Ѓорѓијоски, кореограф на КУД „Бисер“.

Покрај играорната група, се претстави и оркестарот на Друштвото, а за вокалната изведба се погрижија солистот Ѓоко Секулоски и пејачкото трио Миноски, Секулоски и Делески.

– Концертот се одржа со примена на мерките за заштита од Ковид-19. Беа присутни 150 гледачи, кои сметаме дека беа задоволни од изведбата на нашето Културно-уметничко друштво, рече Ѓорѓијоски.

Додаде дека наредната сабота, 2 октомври, на сцената со ротирачка купола на Китино Кале КУД „Бисер“ ќе го одржи традиционалниот годишен концерт.

Би можело да ве интересира

Почна откупот на тутунот, тутунарите очекуваат добра цена поради квалитетниот род

А1он

Почетокот на театарскиот фестивал „Ускана фест“ се одлага за 5 декември

А1он

Регистрирани два земјотреса во подрачјето на Кичево

Подобрени условите во прилепскиот затвор, отворено детско катче за посети на децата на осудените

А1он

Одложена премиерата на претставата „Ако останеш дома“ во Центарот за култура во Кичево

А1он

Најдена дрога кај велешанец во Кичево

А1он