Концерт на Интернационалниот младински оркестар „Bisyoc“

Од:

Интернационалниот младински оркестар „Bisyoc“ на првото гостување во земјава, вечер од 20.30 часот ќе одржи голем симфониски концерт во Центарот за култура „Браќа Миладиновци“ во Струга, кој ќе го повтори и на 4 август од 17 часот. Утре оркестарот ќе настапи и во Охрид на отворено, на просторот помеѓу ТЦ „Амам“ и „Жито леб“.

Оркестарот има повеќе од 80 млади музичари од Германија, Франција, Велика Британија, Норвешка, Нов Зеланд, Русија, Канада и неколку македонски изведувачи. Ги посетил Австрија, Шпанија, Германија, Малта и Норвешка, а оваа година тие гостуваат во нашата држава.

„Bisyoc“ промовира културна и социјална интеракција помеѓу младите луѓе од различни земји – преку создавање квалитетна музика заедно. Почетоците се во 2001 година, кога диригентот Џулијан Гибон го формира оркестарот во Бедстоун, Велика Британија, како музички летен камп.

Неговата цел била да ги собере младите луѓе со различни музички цели и способности и да им даде шанса да искусат изведба во голем симфониски оркестар. Оваа идеја била одлично прифатена од младите, така што прераснува во традиција од 18 години. Млади од целиот свет доаѓаат да ги споделат и разменат искуствата со други млади, заедно свирејќи во овој симфониски оркестар.

Младите музичари престојуваат во Струга, каде што покрај секојденвните проби со професионални тутори, ги посетуваат и културните споменици во Охрид и Струга и го запознаваат македонскиот фолклор.

Во изминатите три дена тие имаа миниконцерти на отворено кај Споменикот на Револуцијата во Струга. Влезот за нивниот вечерашен концерт во Центарот за култура „Браќа Миладиновци“ е слободен за посетители.

Организатор на концертите на отворено е Здружението за развој на културно-уметнички вредности „Тактус“ од Охрид.

Би можело да ве интересира

„Мајски латици“ конкурс за најдобри песни и ликовни творби на Здружението за култура и уметност „Иљо Антески-Смок“ од Тетово

Ана Ололовска

Тридневен интермедијален фестивал „АртАреа“

Ана Ололовска

Над 5 500 пријави за поддршка на проекти од културата во 2020

Ана Ололовска

Василичарски концерт „Легенди“, претстави во театрите од 21 јануари, во ТДМ од утре

Ана Ололовска

Излезе од печат „Традиционалната музичка култура на Албанците од Долни Полог“ од Беким Рамадани

Ана Ололовска

СКРМ добил понуда одредбите за плати да се спроведат од јули 2020

Ана Ололовска