Концерт на хрватскиот ансамбл Трио Јонген на Скопско лето

Од:

Хрватскиот ансамбл Трио Јонген вечер ќе настапи во Музеј на македонска борба, како дел од програмата на 42. издание на Скопско лето. Изведувачи на концертот се Рената Пенезиќ на флејта, Жарко Перишиќ на фагот и Марина Матолиќ на пијано.

– Триото е единствениот ансамбл на овие простори кој го негува транспарентното филигранско разиграно свирење музика во вистинскиот дух на француската школа за дувачки инструменти. Виртуози на своите инструменти, солисти во оркестри и професори на Музичката академија во Загреб ги соединија вештините и љубовта кон заемното свирење музика со цел да ѝ го претстават на публиката овој интересен спој на инструментите и боите, соопштија организаторите.

Програмата на Скопско лето за утре предвидува изложба на фотографии на Сашо Алушевски под наслов „Портрети на уметници“. Изложбата ќе се отвори во изложбениот салон на Културно информативниот центар

На Факултетот за драмски ликовни уметности – објектот Сули ан, пак, задутре, ќе се одржи концерт насловен „Киниса моме на вода“ на етно составот „Монистра“. Етно групата ја сочинуваат Габриела Јанушевска – вокал, Александар Јовевски – кавал, тамбура, гајда, тапан, Јован Стрезовски – тамбура, Филип Николовски – тамбура, Дарко Ничевски – клавијатури, Марјан Андоновски – тапан, тарабука, перкусии, Дамјан Зифовски – ударни инструменти, перкусии. Етно групата е формирана во 2002 година, а основач и музички лидер е Александар Јовевски. Групата свири македонска етно музика на изворни инструменти и ја негува неправилната ритмика по кој се препознава македонската песна и оро.

Би можело да ве интересира

Староградски албански песни вечер на „Скопско лето“, фестивалот завршува утре со концертот „Вода“

Ана Ололовска

Концерт „Модерниот дух на староградската песна“ на Лаура Крлиу

Ана Ололовска

Промоција на книгата „Приказни од Пајко Маало“ на Марина Мијаковска

Ана Ололовска

Балетска претстава „Сви марш на плес“ вечер во НОБ

Ана Ололовска

Изложба на фотографии „Портрети на уметници“ на Сашо Алушевски на Скопско лето

Ана Ололовска

Видеотеатар во 11 кратки епизоди вечер на „Скопско лето“

Ана Ололовска