Концерт на гудачкото трио „Тринити стрингс“ во Аеродром

Од:

Гудачкото трио „Тринити стрингс“ вечер од 21 часот ќе одржи миниконцерт „Летно интермецо“ во Паркот под светилки во Аеродром (во близина на слаткарницата „Палма“).

Концертот го организира Општина Аеродром во соработка со Здружението на естрадни уметници (ЗЕУМ) со цел граѓаните да се анимираат во летниот период и да се промовира македонската музика.

-Очекуваме многу енергија и позитивна атмосфера од комбинацијата на електронска и дип хаус музика со класични инструменти, како единствена во нашата држава, соопшти Општина Аеродром.

Во триото членуваат виолинистките Ирена Стојановска и Александра Мирсинова и виолончелистката и вокал Марта Куч, кои се вработени во Македонската опера и балет.

– Аеродромци веќе имаа можност да ја слушнат нивната музика. Минатата година, за време на локдаунот, тие настапија во живо на покривот на една од висококатниците на „Џевахир“, соопшти Општината.

Би можело да ве интересира

Најбрзиот пијанист на светот Љубомир Мелник на концерт во Пошта

Ана Ололовска

Младата пијанистка Ангела Николовска одржа солистички пијано концерт во Рим

Ана Ололовска

Солистички рецитал на пијано дуото Аврамовска – Мариновски во музејот „Борис Христов“ во Софија

Ана Ололовска

Концерт „Музички бисери за пијано“ со Даница Стојанова вечер во Струмица

Ана Ололовска

Светска премиера на композицијата „даМар“ од македонската композиторка Дарија Андовска во Белград

Ана Ололовска

Почнуваат концертите „Musica Viva на отворено“

Ана Ололовска