Коле Ангеловски напиша книга за работниот век во Драмски театар

Од:

Актерот, сценарист и режисер Коле Ангеловски објави автобиографска книга за 50-те години кои работно ги поминал во Драмски театар-Скопје.

Насловена е „Педесет години во Драмски…и клоцата во…“, а воедно, како што наведуваат рецензентите Сашо Тасевски и Свето Стаменов, книгата е и искрена приказна за самиот театар, за луѓето во него и со кои работел, за претставите кои ги режирал, за успесите и наградите, но и за разочарувањата што ги доживеал.

-Мојот живот во Драмски, пред сè, беше огромната љубов кон театарот и луѓето во него. Ова е многу субјективна и носталгична приказна за работите што мене ми се случувале и, ако во овие мои писанија некој се почувствува навреден или обесправен, да знае дека не е со зла мисла, а може да е со намера, вели Ангеловски.

Ова е приказна за луѓето во Драмски, додава авторот, за директорите, актерите, техничките директори, сценските работници, инспициентите, електричарите, тонските мајстори, шивачите, шминкерите, реквизитерите, администрацијата, чистачките, портирите…. за ходниците, тајните места во театарот, чигите, рефлекторите, прашината, провевот… за бифето, разговорите, песните, кавгите и тепачките…

– Ова е приказна за претставите, пробите, животот во Театарот, за патувањата, турнеите, гостувањата, фестивалите… Сето ова јас го доживеав, но кој знае, можеби и не било баш така?!, вели Ангеловски.

Книгата содржи и педесетина фотографии од најзначајните претстави што Коле Ангеловски ги режираше на сцената на Драмскиот театар, како и индекс на театарски текстови што ги напишал и на театарски текстови што ги превел.

Би можело да ве интересира

Во Битола вечер премиера на претставатa „Август во округот Осејџ“

Ана Ололовска

„Ноќ на разноличноста“ вечер на „Лето на тетовската култура“

„Август во округот Осејџ“ нова премиера во Битолскиот театар

Ана Ололовска

Прекинат Интернационалниот фестивал на античка драма „Стоби“

Ана Ололовска

„Бог на масакрот“ – премиера на Турски театар

Ана Ололовска

Нова премиера и гостувања на Битолскиот театар

Ана Ололовска