Книгата „Клуб на обожаватели“ од Горан Трибусон преведена на македонски јазик

Од:

Во рамки на проектот „Читаме заедно! (United we read!)“, издавачката куќа „Антолог“ ја објави книгата „Клуб на обожаватели“ од хрватскиот писател Горан Трибусон.

dobivaj vesti na viber

Содржи четири раскази кои раскажуваат неколку необични судбини, смешни и полни со пресврти, судбини за неколку веќе средовечни другари од приградската населба Плинара.

– Со својот однос кон минатото и зборувањето за сегашноста, „Клуб на обожаватели“ потсетува на најдобрите страници на Трибусон, авторот што со своето чувство за доловување на стварноста и живописноста на дијалозите ги исполнува централните простори на хрватската проза свртена кон секојдневјето, соопшти „Антолог“.

Горан Трибусон (1948) магистрирал филмологија. Работел како уредник во „Школска книга“. Редовен професор е по филмско сценарио. Пишува телевизиски и филмски сценарија. Член е на Хрватската академија на науките и уметностите.

Критичарите го декларираат како еден од најважните претставници од генерацијата на борхесовците. Неговите романи се автобиографски и генерациски, со елементи од популарната култура и од митологијата на секојдневјето.

Од хрватски на македонски книгата ја преведе Владимир Јанковски. Објавена е со поддршка на програмата „Креативна Европа“ на Европската Унија.

Би можело да ве интересира

Разговор со Ана Стојаноска во Скопската градска библиотека

Ана Ололовска

Објавено второ издание на „Идентитетот е приказна“ од Иван Антоновски – првата книга за есеистиката на Горан Стефановски

Ана Ололовска

Стефан Тиќми: „Капут од мов“ е потсетување дека уметноста ќе го спаси светот

Ана Ололовска

Романот „Капут од мов“ од Стефан Тиќми ќе биде промовиран во „Литература.мк“

Ана Ололовска

Нова книга на Даниела Андоновска-Трајковска

Ана Ололовска

Александар Русјаков: Со „Хотел меѓу две војни“ си го остварив сонот да напишам роман за Битола

Ана Ололовска