Кавадарци одбележува 110 години од раѓањето на Темков, еден од најистакнатите културни работници

Од:

Кавадарци денеска одбележува 110 години од раѓањето на Славчо Темков, еден од најистакнатите културни работници.

dobivaj vesti na viber

– На 28 ноември 1911 година во Кавадарци е роден Темков, еден од основоположниците и двигателите на културното и спортското живеење во Кавадарци во периодот помеѓу двете светски војни. Уште како ученик во гимназијата во 1928 година ја поставил пиесата „Кољо и Невенка“. Таа доживеала голем успех и била изведена неколку пати во кафаната „Југославија“. Во 1928 година по негова иницијатива е формирано културно – просветното и спортско друштво „Братство“. Истата година е иницијатор на формирање на фудбалскиот клуб ,,Победа“, во кој е секретар, потсети историчарот Петре Камчевски.

Темков ги поставува и пиесите „Зла жена“, „Цар Киро“, „Кнезови од Сендерија“ и други.

– Во 1938 година ја поставува пиесата ,,Слугата Јернеј и неговото право“ со Димката Ангелов и Милан Даскалов во главни улоги. Во текот на НОВ се вклучува во Првата македонска дивизија се до 1945 година. По војната доверено му е да го обнови и да раководи со театарот во Кавадарци. Работи како референт за народно описменување на населението во кавадаречко по војната, рече Камчевски.

Тој е татко на познатата македонска сликарка Ана Темкова. Починал во Скопје на 1 мај 1995 година.

Би можело да ве интересира

Вработена во центар за социјални работи во Кавадарци фалсификувала исправи

Кавадарци се збратими со украинска Буча

Катерина Павлова-Николовска

Кавадарчанка го заклала партнерот па го запалила телото

Катерина Павлова-Николовска

Мажот од Кавадарци бил избоден со нож, па бил запален

Горан Наумовски

Во куќа во Кавадарци пронајдено тело на маж со видливи изгореници

Катерина Павлова-Николовска

Филантропите од Кавадарци во нова мисија „3000 компјутери за Нова Година“