Изложба „Страдањата на Дон Кихот“ во Музејот на Град Скопје

Од:

Изложбата „Пасја по Дон Кихот (Страдањата на Дон Кихот)“ на македонскиот сликар Владимир Георгиевски вечер, во 19 часот, ќе биде отворена во Музејот на Град Скопје. Изложбата е посветена на 400 години од смртта на шпанскиот автор Мигуел де Сервантес. 

Ќе бидат претставени цртежи, идејни скици и студиски картони работени во туш, моливи во боја, пастел и колаж. 

Директорот на Музејот на Град Скопје Љубен Тевдовски на денешната прес-конференција информира дека имаат одлична соработка со Шпанската амбасада во Македонија, со Асоцијацијата за култура ИКОН и Климе Коробар кои, како што рече, обезбедија пред македонската јавност да организираме ваква импресивна изложба.

Изложбата, како што рече, во овие специфични времиња го крена нашиот дух како народ, како граѓани, нашиот духовен и културен простор, нешто што ни недостигаше. 

Шведскиот амбасадор во Македонија Рамон Авароа Каранса потсети на делото на Сервантес, на Дон Кихот, Санчо Панса… Според него, Сервантес ни зборува за љубов, чест, правда, милост, добрина…

– Литературата ги отвора вратите на имагинарното и на реинтерпретацијата. Читајќи го делото ликовите стануваат наши додека ние стануваме нивни. Посетувајќи ја оваа изложба, сите ќе можеме да го набљудуваме Дон Кихот кој живее во делото на сликарот Георгиевски и сликата што ја имаме од витезот од Ла Манча ќе се спои со силниот потег и енергичните бои на сликарот,  рече Каранса. 

Уметникот Георгиевски информира дека немал намера да го илустрира, како што рече, сјајниот роман на Сервантес туку само ехото што тој го произведе во мене или го произведува постојано.

Изложбата ќе ја отвори ректорот на Универзитетот за аудиовизуелни уметности Јордан Плевнеш. По Скопје, изложбата ќе биде претставена и во театарот LePalace, во рамки на филмскиот фестивал на Југоисточна Европа во Париз, на 1 јуни годинава.

Би можело да ве интересира

Центарот за култура во Куманово успешно ја реализира програмата, во тек е реконструкција на театарот

Ана Ололовска

Делата од Младинската керамичка работилница претставени во Македонски Брод

Ана Ололовска

Три приказни раскажани низ песни и театар на манифестацијата „И Тетовските глумци поа“

Ана Ололовска

Во Сомбор одржана македонска образовна недела во рамки на српско-македонската културна размена

Ана Ололовска

Во Инстиутот за духовно и културно наследство на Албанците од денеска започнуваат активностите за одбележување на „Денови на албанската азбука“

Ана Ололовска

Илбер Села и Фејзи Бојко добитници на државната награда „22 Ноември“

Ана Ололовска

Leave a Comment

1 + fourteen =