Изложба „Преку планината: или за двата паралелни неолитски света на Слатина – Зелениково и Церје – Говрлево“

Од:

Во Музејот на Град Скопје вечер ќе биде отворена изложбата „Преку планината: или за двата паралелни неолитски света на Слатина – Зелениково и Церје – Говрлево“.

dobivaj vesti na viber

Како што најави Музејот на Град Скопје, проектот претставува тематска изложба за сличностите и разликите на материјалната култура од два локалитета, од ист период, лоцирани во непосредна близина.

– Освен огромниот број типични артефакти од македонскиот неолит, откриени и на двата локалитета, во збирките се забележуваат одредени предмети со исти својства, но со различна изведба и различен изглед. Сличностите во материјалната култура ја означуваат припадноста на локалитетите во големиот културен комплекс на балканскиот неолит, но, во исто време, големите разлики меѓу одредени предмети упатуваат на негување посебни традиции и појава на одредени идентитети, уште пред 7000 години, наведуваат организаторите.

Оваа изложба првпат по 35 години ќе ги вклучи неверојатните артефакти од наведените локалитети и ќе ги спореди меѓусебно, при што, како што се наведува, предметите од Слатина – Зелениково досега не биле изложени за јавноста.

Во рамките на изложбата ќе бидат претставени неколку категории керамички предмети откриени на локалитетите: антропоморфни и зооморфни фигурини, антропоморфни модели на куќи, жртвеници и садови.

Би можело да ве интересира

Отварање на Мајски салон 2022

Ана Ололовска

Прва самостојна изложба „Мојот свет во боја“ на Вероника Љоровска

Ана Ололовска

Во МСУ – Скопје се отвора самостојна изложба на Наташа Неделкова

Ана Ололовска

„Once Again“ изложба на Давор Кешќец

Ана Ололовска

„На тенок мраз“ изложба на карикатури од Лазо Плавевски во МСУ – Скопје

Ана Ололовска

„Пејзажи на восхитот“ самостојна изложба на Дарко Алексовски во МСУ – Скопје

Ана Ололовска