Во ликовниот салон на Центарот за култура „Марко Цепенков“ во Прилеп вечер ќе биде отворена изложбата на карикатури „Панаѓур на суетата“ од бугарските карикатуристи Алла и Чавдар Георгиеви.
На изложбата ќе бидат претставени 40 карикатури, а се реализира во рамките на повеќегодишната соработка со Културниот центар на Бугарија во Македонија.
Алла и Чавдар Георгиеви работат заедно од 1982 година. Носители се на повеќе од 30 национални и меѓународни награди. Реализирале пет самостојни изложби во Домот на хуморот и сатирата во Габрово, Бугарија, во Центарот за развој на уметноста во Киев, Украина, во Oстен во Скопје… Имаат издадено авторска книга со сатирични цртежи „Изгонети од рајот“…