Сликата на животот во Охрид за време на периодот на Народноослободителната војна ќе биде презентирана преку изложбата на фотографии што по повод Денот на ослободувањето на Охрид – 7 Ноември ја изготвува градскиот Историски архив.
Изложбата ќе биде поставена во дворот на Подрачното одделение на Државниот архив од Охрид в понеделник, 8 ноември.
Преку фотографиите ќе биде прикажано секојдневието, како и дел од НОБ во тие бурни времиња на Втората светска војна.
Самите фотографии се дел од богатата архива што ја поседува Установата, но ретко граѓаните имале можност да ги видат надвор од депото на охридскиот Архив.