Во организација на Граѓанска асоцијација МОСТ студенти од завршните години на факултетите во Македонија, еден месец имаа можност да патуваат низ Европа и да се запознаваат со градовите, луѓето и обичаите.
За патувањето, студентите ќе раскажат преку изложба на фотографии која ќе се одржи вечер во „Кафе Концепт 37“ во 20 часот и 30 минути. Покрај изложбата, студентите преку есеи ќе ги раскажат своите импресии, а ќе биде прикажан и краток филм од почетокот на патувањето.
Оваа регионална активност, се реализира веќе осма година со цел да се претстават земјите од кои доаѓаат студентите во Европа, но и да се споделат стекнатите искуства помеѓу граѓаните.