Изложба на фотографии на Роберто Брсаковски во КИЦ Софија

Од:

Во Културно-информативниот центар на Република Северна Македонија во Софија вечерва ќе биде отворена изложбата „Животот во Хавана“ на Роберто Брсаковски од Скопје.

dobivaj vesti na viber

На изложбата ќе бидат поставени околу четириесетина дела од фотографската уметност на Брсаковски создадени во април 2017 година за време на двонеделниот престој на авторот во Хавана, Куба.

На отворањето на изложбата, авторот ќе ја претстави и монографијата посветена на овие фотографски дела. Фотомонографијата „La Vida De La Habana“, тематски, фотографски е поделена на четири фотоедиции по триесетина колор-фотографии насловени „Луѓе“, „Улици“, „Возила“ и „Архитектура“

– Роберто Брсакоски не е непознат автор во нашата, македонска, фотокултурна јавност. Овој дипломиран економист, со фотографија се занимава од 1985 година, од 1994 година и како член на Фотоклубот „Елема“ од Скопје. Изложувал во над 50 национални и меѓународни изложби, освојувајќи повеќе награди, пишува Владимир Плавевски во текстот кон ова печатено издание.

Во 1995 година има самостојна изложба на црно-бела, аналогна фотографија насловена „Живот“ во Изложбениот салон на КИЦ – Скопје, а во 2005 година ја поставува втората самостојна изложба на аналогни црно-бели фотографии насловена „Осаменост“.

Би можело да ве интересира

Изложба и ди џеј сет, вчера проекција на „Хомо“

Изложбата „Слобода?!“ на 15 ликовни уметници гостува во Уметничката галерија „Илија Бешков“ во Плевен

Се отвора изложбата „Полска школа на колаж“ на Жмијевски и Алтхамер во МСУ – Скопје

Изложба на графики, цртежи и колажи од Слободан Радојковиќ

Голема Завршна изложба во средното уметничко училиште Лазар Личеноски во Скопје

Ана Ололовска

Утревечер отворање на самостојна изложба на Ахмет Огут во МСУ

Ана Ололовска