Во Центарот за култура „Кочо Рацин“ во Кичево вечерва согласно здравствените протоколи ќе биде отворена изложба на фотографии „365 селектирани фотографии“ од Ненад Пивко.
Изложбата е составена од 365 фотографии направени во текот на една година. Понекогаш дневно е правена само една фотографија, а понекогаш повеќе фотографии, но избрана е само една со која е означен денот.
– Една од добрите работи е тоа што авторот е вклучен во процесот на природата низ четирите сезони, така што во целост ги опфатил временските услови низ годината. Поголем дел се фотографирани во околијата на градот Кичево, но има и фотографии направени во Скопје, Охрид и Албанија, вели Маја Николоска Силјаноска од Центарот за култура во Кичево.
Изложбата ќе биде отвори вечерва во 19 часот, а бројот на гости ќе биде ограничен поради почитување на здравствените протоколи.