Инклузивна ликовна колонија во Папрадиште

Од:

Во планинарскиот дом во Папрадиште денеска се одржа еднодневна инклузивна ликовна колонија на која учествуваа 13 деца од велешките редовни основни и од Посебното училиште „Маца Овчарова“.

Како што појасни Зага Колодезни, носител на проектoт „Ликовен инклузивен караван“, целта на ликовните колонии и работилници што ги организираат е преку нив да се подобри социјалната инклузија на деца и млади со попреченост на возраст од 13 до 15 години преку ликовно творење заедно со нивни врсници од редовните основни училишта, со меѓусебно запознавање и другарување.

-Децата денеска најпрво се запознаа со природните убавини на Папрадиште,потоа собираа цвеќиња,папрати и лисја кои им служеа како печати со кои правеа интересни слики, појасни Колодезни.

На новите ликовни техники ги упатија ликовните ментори на проектот професорите по ликовно, Елена Димова Пантелиќ и Драганчо Таневски.

Првата ликовна колонија Езерски бранувања од 13 до 18 јули ја одржаа на брегот на Охриското Езеро, а беа сместени во детското одмаралиште „Мајски цвет“ во Струга. Ќе следи и трета инклузивна ликовна колонија во археолошкиот локалитет Стоби на 14 следниот месец.

Сите дела од трите инлузивни ликовни колонии, како и делата од неколкуте претходно одржани работилници во Велес, на крајот од проектот ќе бидат изложени на продожна изложба што ја планираат на почетокот на октомври во Велес, а ќе биде промовиран и каталогот со сите изработки.

– Средствата собрани од продажбата на делата ќе бидат наменети за организирање нови креативни работилници помеѓу децата и младите со попреченост и со типичен развој. Со тоа ќе овозможиме подигање на инклузивната култура како помеѓу младите, но и кај возрасните, појаснува дефектологот Колодезни.

Би можело да ве интересира

Уметничката галерија во Тетово со повик до уметниците кои сакаат да изложуваат во 2012 година

А1он

Во тек конкурсот за наградата „Антево перо“

А1он

„Македонски пејзажи“ – отворена изложба на авторката Марија Светиева

А1он

Програмата на Националната галерија за 2020 година

Ана Ололовска

Повторно скандал со реставрација на уметничко дело во Шпанија

Ана Ололовска

Серија предавања и дискусии за уметниците и културните работници на пазарот на трудот

Ана Ололовска