„Илузии“ – прва виртуелна претстава на „Wonderland Theatre“

Од:

Независниот „Wonderland Theatre“ вечер во 20 часот ќе ја има својата прва онлајн изведба на претставата „Илузии“.

Од „Wonderland Theatre“ информираат дека претставата е работена според мотиви од истоимената драма на најпознатиот современ руски писател Иван Вирипаев. Илузии е во режија на Нела Витошевиќ. Во оваа претстава улогите ги играат актерите: Драгана Лошкова, Ивана Павлаковиќ, Никола Настоски и Исмет Шабановиќ. Монтажата ја направил Васил Христов, додека музиката е на Огнен Анастасовски.

Претставата ќе се емитува од 20:00 часот на каналот на Wonderland Theatre, на Youtube https://www.youtube.com/user/wonderlandtheatremk/featured и потоа ќе остане на истата за публиката да може и понатаму да ја гледа. Публиката може да ја следи и на инстаграм страна https://www.instagram.com/wonderland.theatre_ и на фејсбук на (https://www.facebook.com/Wonderland-Theatre-107622730975439/)

Посочуваат дека оваа претстава е направена во време на пандемија и нејзиното создавање е поврзано со периодот на карантинот.

– Секој ден откако ќе започнеше полицискиот час, екипата се собираше да пробува на интернет платформите за комуникација. Тргнавме од идејата односно започнавме дебати околу тоа што би се случувало доколку пандемијата потрае подолго време?! Каков би бил светот?! Како би функционирале ние во новонастанатите околности?! Што би се случувао со уметноста, а што со театарот?! Дискутиравме, споделувавме разни сознанија и информации во однос на новите глобални околности и решивме да пробаме да направиме претстава во виртуелниот простор и да видиме што ќе добиеме како резултат на ова истражување. Екипата на крајот се договори да влезе во оваа не толку позната сфера и да одговори на предизвикот кој ова ново време го задава. Користејќи се со театарскиот пристап, но во виртуелниот свет, направивме претставата која ги отвара темите на љубов, неверство, оттуѓеност на луѓето како и празнотијата и минливоста на животот. Сметавме дека во вакви кризни времиња овие теми се актуелизираат кај секој човек. Оваа приказна ни ја раскажуваат четворица актери кои постојано влегуваат и излегуваат од улогите. Сите играат определена улога, но истовремено се и наратори на приказната, велат од „Wonderland Theatre“.

Од друга страна претставата отвора и еден друг документаристички аспект кој зборува за проблемита со кои се соочува, а и допрва ќе се соочува пост-пандемскиот театар. – Интересно во однос на процесот е и тоа што екипата се нема сретнато во живо. Целата комуникација и создавање на претставата се одвиваа онлајн. Се што е снимено е снимено во домашна изолација и со приватни телефони на екипата. Претставата е направена за месец и дваесет дена и трае 50 минути. Оваа виртуелна претстава e наш придонес и уметнички израз во оваа ново настаната состојба, наведуваат од „Wonderland Theatre“.

Би можело да ве интересира

Проектот „Патиштата на хероите“ на МНТ доби 395 илјади евра од ЕУ

Ана Ололовска

Монодрамата „Дневникот на лудиот“ вечер на отворено во Театар Куманово

Ана Ололовска

Монодрамата „Прво лице еднина“ вечер во дворот на кумановскиот театар

Ана Ололовска

Театарска претстава „Нови мерки, старо другарство” беше изведена во градскиот парк во Кавадарци

Ана Ололовска

„Нови мерки, старо другарство“, театар вечерва на отворено во Кавадарци

Ана Ололовска

Словенечкиот народен театар поставува претстава според расказите на Румена Бужаровска

Ана Ололовска