ФУЕН изгласа Резолуција за културна автономија на Македонците во Албанија

Од:

Федералната унија на европските националности (ФУЕН) на 64-от Конгрес што се одржува во словачкиот главен град Братислава, едногласно усвои Резолуција со која се бара културна и образовна автономија за македонското малцинство во Албанија, предложена од македонското друштво „Илинден“од Тирана.

Според Никола Ѓурѓај, претседателот на друштвото, за Резолуцијата гласале сите 150 делегати, претставници на 103 организации од 35 земји во Европа.

-Ова за нас е голема победа зашто со Резолуцијата, која ФУЕН ќе ја достави до албанските власти се бара културна и образовна автономија за жителите на регионите Голо Брдо, Мала Преспа и Гора со цел да се зачува македонската култура во овие региони населени со македонско население, изјави за МИА претседателот на МД „Илинден“ Никола Ѓурѓај кој учествува на Конгресот.

Од име на друштвото и припадниците на македонското малцинство ФУЕН апелира Владата во Тирана да отвори катедри за македонски јазик на државниот универзитет во Тирана и на државниот универзитет „Фан Ноли“ во Корча.

Исто така ја повикува Владата да обезбеди пропорционална застапеност на Македонците во државните институции, органите на локалната самоуправа и локалната администрација каде што живее значителен број Македонци, како и претставик на македонското национално малцинство во Управниот одбор на албанската државна радиотелевизија.

Македонско друштво „Илинден” рамноправен член на ФУЕН е од средината на мај 2015 година и активно учествува во сите активности на Унијата а она што е најзначајно,според Ѓурѓај што за Македонците во Албанија се слушнало и се слуша низ цела Европа.

Би можело да ве интересира

Чешки денови по повод 30 години од „Кадифената револуција“

Ана Ололовска

Отворено писмо до Министерот за култура

Ана Ололовска

Министерство за култура: Колективниот договор ќе биде применлив од 1 јануари 2020

Ана Ололовска

СКРМ го заврши протестот пред Министерството за култура, од Владата добиле покана за средба

Ана Ололовска

ВИДЕО: Културните работници бараат Итно потпишување на колективниот договор

Ана Василевска

Средба Исмаили – Манчевски по повод светската премиера на „Врба“

Ана Ололовска