Фолклорни ансамбли од три континенти на фестивалот „Илинденски денови“

Од:

Центарот за култура-Битола е подготвен за 49. издание на Републичкиот фестивал на народни песни и игри „Илинденски денови“. На фестивалските сцени во Битола ќе настапат над 1000 членови на македонски и на фолклорни ансамбли од Мексико, Индија, Русија, Израел, Белгија и од Италија, најави Маја Андоновска-Илијевски, директор на НУ Центар за култура-Битола.

-Фестивалските денови ќе почнат со претпрограма, ретроспективна изложба „60 години творештво на Панде Петровски“, а во пресрет на свеченото отворање на 27 јули, ден претходно ќе отвориме изложба за абориџинската култура која ја подготвивме во соработка со Амбасадата на Австралија во Белград. Оваа година востановивме и новина, односно фестивалски карван кој ќе се реализира во општините Демир Хисар и Новаци, најави Андоновска-Илијевски.

Според селекторот на фестивалот, Валентин Соклевски, „Илинденски денови“ се столб за чување на автентичната и народната култура на Балканот и во светот.

-„Илинденски денови“ се единствениот македонски фестивал на картата на светските фестивали со сертификат на ЦИОФФ. И оваа година на фестивалот ќе бидат презентирани автентични и изворни македонски вредности за што ќе се погрижат 30 фолклорни ансамбли од државата, но и од странство, кои ќе пренесат пораки за мир, соживот, развој и чување на автентичната култура, рече меѓудругото Соклевски на прес-конференција во Битола.

Републичкиот фестивал на народни песни и игри „Илинденски денови“ се одржува под покровителство на Собранието на Северна Македонија и со поддршка на Министерството за култура и Општина Битола.

Би можело да ве интересира

Во Крива Паланка утре почнува 15-от Интернационален фолклорен фестивал „Св.Јоаким Осоговски“

Ана Ололовска

Фолклорниот ансамбл „Тиквеш“ од Кавадарци најуспешна група на „Илинденски денови“

Ана Ололовска

Вечер во Битола завршува фестивалот на народни песни и игри „Илинденски денови“

Ана Ололовска

Ревија на македонски народни носии во Битола

Ана Ололовска

Староградска музика и игра на „Илинденски денови“ во Битола

Ана Ололовска

Интернационална фестивалска вечер на „Илинденски“ денови во Битола

Ана Ололовска