Филмот „Исчезнатиот” на Арбен Тачи награден на фестивал во Швајцарија

Од:

Филмот „Исчезнатиот” на режисерот Арбен Тачи доби награда за најдобар странски филм на Интернационалниот фестивал во Швајцарија.

Филмот е финансиран од Агенцијата за филм на Република Северна Македонија и со малцинско учество од Центарот за кинематографија на Косово и Националниот кинематографски центар на Албанија.

Директор на фотографија е Владимир Самоиловски, монтажата е на Благоја Неделковски и Шпетим Амети. Музиката за филмот е на Тримор Доми, дизајнот на звук е на Дарко Спасовски, сценографијата на Билгаип Кочишта, а костимите беа изработени од Албулена Боровци.

Арбен Тачи претходно ја доби наградата за најдобар дебитантски режисер на Фестивалот на независен филм во Монтреал, Канада. Тоа беше втора меѓународна награда за овој филм, по наградата за најдобра фотографија која му беше доделена на директорот на фотографија Владимир Самоиловски на Филмскиот фестивал во Анадолија.

По премиерата во јуни и по двете специјални проекции на „Прифилм фест“ во Приштина и ТИФФ „Ода“ во Тетово, филмот „Исчезнатиот“ се натпреваруваше во официјалната програма на Меѓународниот филмски фестивал во Тирана, во категоријата албански филмови.

Би можело да ве интересира

Venom 3 доби официјално име и датум на излегување

Предраг Петровиќ

Се снима краткиот игран филм „И покрај сè“

Филмот „Dune: The Second Part“ заработи над 200 милиони долари за само три дена

Уапсен маж осомничен за неовластена дистрибуција на филмот „Недела“

Бен Афлек го откри најлошиот филм во кариерата

Скорсезе снима нов филм за Исус кој нема да трае три часа: Се обидувам да ја доближам религијата до луѓето