„Еуримаж“ го поддржа новиот филм на Теона Митевска и уште една копродукција со С. Македонија

Од:

Филмот „Најсреќниот човек на светот“ во режија на Теона Митевска, во кој Северна Македонија е носител на проектот, како и копродукцијата „Празник на трудот“ со македонско малцинско учество, се поддржани од Европскиот фонд за копродукција и дистрибуција на креативни кинематографски и аудиовизуелни дела – „Еуримаж“, на втората сесија во 2021 година.

На својата редовна 163 сесија која се одржа во јуни, „Еуримаж“ финансиски поддржа 49 меѓународни филмски копродукции од вкупно 96 пријавени проекти.

Во категоријата долгометражни играни филмови, „Еуримаж“ високо го оцени проектот „Најсреќниот човек на светот“ на Теона Митевска, македонска копродукција со Данска, Белгија, Хрватска, Словенија и Босна и Херцеговина.

Во оваа категорија е поддржан и проектот „Празник на трудот“ во режија на Пјер Залица, копродукција помеѓу Босна и Херцеговина, Србија, Хрватска и Северна Македонија. И во овој проект, како и во претходниот, македонски копродуцент е продуцентската компанија „Сестри и брат Митевски“ од Скопје.

– Како и на претходната сесија во март и сега, европската поддршка за македонската кинематографија пристигнува во сѐ уште тежок и неизвесен ковид или постковид-период. Македонските филмски проекти сѐ почесто се препознаваат во локалните филмски фондови во европските држави, но и во најзначајниот и најпрестижниот филмски фонд „Еуримаж“, специјализирано тело при Советот на Европа, изјави Тања Ќурчинска-Пепељугоска, национален претставник на земјава во „Еуримаж“.

Европскиот фонд за копродукција и дистрибуција на креативни кинематографски и аудиовизуелни дела – „Еуримаж“ од своето основање во 1989 година до сега поддржал 2209 копродукциски проекти со вкупен буџет од околу 635 милиони евра.

Би можело да ве интересира

Француска премиера на филмот „Хомо“ на Игор Иванов-Изи во официјална програма на Меѓународниот филмски фестивал во Нанси

Ана Ололовска

Теона Митевска снима во НУБ „Свети Климент Охридски“

Ана Ололовска

Светска премиера на „Сестри“ на Дина Дума во Карлови Вари

Катерина Павлова-Николовска

„Филмска култура“ со домашни наслови во Тетово, Битола и Скопје

Ана Ололовска

Проекции на филмови и концерт со филмска музика во Битола

Ана Ололовска

Ревијално прикажување на победниците на „Галичник Филм Фестивал“

Ана Ололовска