Престижната книжевната награда за најдобар роман напишан на англиски јазик, Букер, за 2013. ја доби Еленор Кетон. Со 28 години, оваа авторка од Нов Зеланд е најмладата добитничка на Букер, а со 832-те страници нејзиниот роман The Luminaries е најдолгото наградено дело.
Писателката имала 25 години кога почнала да го пишува романот – мистериозна приказна сметстена во времето на златната треска во 19. век.
Земајќи ја наградата, Кетон изјавила дека The Luminaries била „кошмар“ за издавачите. Таа е така структуираа што секое следно поглавје е точно половина од должината на претходното.
Книгата излезе во септември годинава. Букеровата награда освен што е една од најпрестижните светски книѓевни награди, на добитникот му носи и 50 илјади фунти.
Од следната година освен автори од Комонвелтот и Ирска, за наградата ќе може да конкурираат и Американци. Основното правило, дека книгите мора да бидат објавени на англиски, и понатаму останува да важи.