„Едно лето во Охрид“ – стихозбирка од Саво Костадиновски, поет иселеник во Германија

Од:

„Академски печат“ од Скопје ја објави стихозбирката „Едно лето во Охрид“ од поетот иселеник во Германија Саво Костадиновски, која содржи 30 песни посветени на Охрид.

dobivaj vesti na viber

Во предговорот на поетската збирка Костадиновски пишува дека Охрид отсекогаш му бил копнеж, носталгија, желба и инспирација, особено во годините поминати во туѓина.

-За време на моите одмори во татковината, посетував многу туристички места и со големо задоволство го посетував и прочуениот град Охрид. Со време, сѐ попривлечна ми беше магичната ревиера и Охридското Езеро, така што дојдов на идеја едно лето одморот да го искористам во Охрид и да се восхитувам на неговите знаменитости. Секој ден, спонтано, ми се наметнаа редица песни од кои настана и оваа збирка поезија, вели авторот.

Костадиновски е меѓу најпродуктивните македонски автори во иселеништвото. Неговото обемно поетско и прозно творештво има над 140 објавени книги поезија и проза за деца и возрасни, а автор е на 44 книги поезија и проза кои се објавени двојазично, на германски и на македонски јазик. Половина век живее во Германија, твори и на германски јазик и соработува со Сојузот на германски писатели.

Костадиноски е и колекционер на книги и формирал библиотека со над илјада книги од македонски писатели и поети која ја подарил на библиотеката на Домот на културата во Македонски Брод.

Би можело да ве интересира

Од 19 до 21 август – Поетска ноќ во Велестово по 34. пат

Ана Ололовска

Промоцијата на стихозбирката „Збунети компаси“ од Зоран Анчевски

Ана Ололовска

Музичка промоција на стихозбирката „До сто и една и назад“ од Марко Виденовиќ

Ана Ололовска

Вечер на стихови на два јазика

Ана Ололовска

Трајче Кацаров е лауреатот на наградата „Григор Прличев“ за најдобра поема за 2021 година

А1он

„Кршлива, скршена и други начини како да се стане цела“, англиско-хрватска збирка на стружанката Бистра Кумбароска

Ана Ололовска