Драмското студио „Летечка театарска трупа“ од Тетово вечерва со премиера на комедијата „Ожалостена фамилија“

Од:

Драмското студио „Летечка театарска трупа“ од Тетово денеска за прв пат од почетокот на пандемијата ќе прикаже премиера. Toa ќе биде комедијата „Ожалостена фамилија“ на Бранислав Нушиќ“, а со мото на тетовски дијалект „Една гачка за едни људи, едни табиети и ен град“.

Почетокот е закажан за во 19 часот во Центарот за култура „Иљо Антески-Смок“ во Тетово.

– Смеата е најдобриот лек на светот. Со премиерата на комедијата „Ожалостена фамилија” на безвременскиот Бранислав Нушиќ, Летечката театарска трупа го пробива мразот во кој не’ окова короната. Претставата е приказна на нашите табиети, вечни пориви по материјалното и јавните тајни на нашиот град и народот кој живее во него, сето тоа спакувано низ призмата на комедијата. На нашата публика и ветуваме здрав хумор и секако безбеден престој во театарот запазувајќи ги сите здравствени протоколи. Маските, дезинфекција и растојанието помеѓу публиката во салата се задолжителни, исто како и квалитетот на нашата игра, изјави Владимир Јовановски, режисер на комедијата.

Организаторите потсетуваат дека согласно протоколите за заштита при пандемија ќе бидат овозможено само 30 отсто исполнетост на големата сала во Центарот.

-Влезот ќе биде отворен во 18 часот за до почетокот (19:00 часот) публиката да влезе без метеж. При влез се мери температура, се дезинфицираат раце, се користи заштитна маска за лице и се влегува со држење дистанца. Во салата се седнува на столче не кое е дозволено да се седи. Останатите, на кои е забрането, се соодветно обележани. По одржувањето на претставата, објектот се напушта по истиот протокол, информираат од „Летечка театарска трупа“

Претставата ќе биде на репертоарот и наредните два дена, односно во среда и четврток, исто така од 19 часот.

Би можело да ве интересира

Марија Минчова – Андонова од Штипскиот театар доби награда на фестивалот „Актерот на Европа“

Ана Ололовска

Драмата „Проколнатите“ прва премиера на Тетовски Театар за 2021 година

Ана Ололовска

Дваесеттиот фестивал „Албански театар во Северна Македонија“ од 2 до 9 септември

Ана Ололовска

Премиера на „Добрутро арамии“ на драмското студио „Миладин“

Ана Ололовска

Претставата „Светулки“, прва премиера во прилепскиот театар

Ана Ололовска

„Генетиката на Глембаеви“ во режија на Пројковски го отвори Театарфест „Петар Кочиќ“

Ана Ололовска