Донација во книги денеска ќе биде предадена на Рускиот центар при Универзитетот „Св. Кирил и Методиј“ во Скопје.
Како што соопштија од Руската амбасада, книгите се донација од Домот на руското
зарубежје „А.Солженицин” од Москва, а на настанот предавање ќе одржи познатиот руски писател и ректор на Литературниот институт „А.М.Горки“, професор Алексеј Варламов.
Најавени се обраќања и на рускиот амбасадор Сергеј Баздникин, на Татјана Јуревна Иринархова од Домот на руското зарубежје, на Гордана Јосифова Неделковска проректор за меѓународна соработка при УКИМ и на Велимир Стојковски, директор на Рускиот центар.