Девето издание на 100 Илјади поети за промена во Струмица

Од:

Во сабота, 28 септември 2019 година, со почеток во 19:30 часот во Babylon Café во Струмица ќе се одржи деветтото издание на поетската манифестација „100 Илјади поети за промена“, а Струмица повторно ќе биде домаќин на сите поети кои изразија интерес преку отворените повици да бидат дел од мисијата на самата манифестација и ова глобално движење.

Годинава здружението „Контекст – Струмица“ е домаќин на девет интернационални поети: Томаш Јонаш (Украина), Марко Видал (Шпанија), Том Филипс (Велика Британија), Петер Андреј и Мојца Андреј (Словенија) Сотуриос Пастакас и Ефтимиос Ленѕас (Грција), Иван Христов и Петар Чухов (Бугарија). Од Македонија исто така се најавени дваесетина поети гости, меѓу кои: Исток Улчар, Рина Јанкуловска, Андреј Ал-Асади, Диме Данов, Марина Икономова Шокева, Ненад Јолдески, Сузана Мицева, Љупка Антеска, Марко Салџиевски, Цветанка Колева, Игор Трпчески, Даниела Андоновска-Трајковска, Милчо Мисоски и др.

Настанот ќе го модерира и води Митко Гогов, стихови од поетите гости на македонски јазик ќе интерпретира Мариета Дукиќ, а освен поетските читања предвидена е изложба на плакати, промоција на зборникот со дел од застапените автори, музички перформанс на Брука Бенд, како и воншколска активност со учениците од ОУ „Маршал Тито“, со иницијативата „Прочитај песна на дете“ (Read A Poem To A Child).

Ова е настан кој е дел од глобалната манифестација „100 Thousand Poets for Change“ – меѓународна манифестација која годинава се оддржува во повеќе од 60 држави во светот, со повеќе од 600 закажани настани, а нашата држава и Струмица се дел од самото движење уште од самиот почеток.

Би можело да ве интересира

Наградата „Ацо Караманов“ за Хусто Хорхе Падрон

Ана Ололовска

Промоција на стихозбирката „Небесна геометрија“ од Андреј Ал-Асади

Ана Ололовска

Поетесата Наташа Сарџоска настапи на 43. Плавски книжевни средби

Ана Ололовска

Промоција на книгата „Ќе се завијам во песни“ од Снежана Стојчевска

Ана Ололовска

Промоција на стихозбирката „Зборот на непријателот/La parola del nemico“ од Лука Бенаси

Ана Ололовска

Поетско читање и разговор со израелската поетеса и режисерка Дорит Вајсман

Ана Ололовска