„COMPENDIUM PHILOSOPHIAE“ – нова книга од д-р Бошко Караџов во издание на „Аз-Буки“

Од:

Книгата COMPENDIUM PHILOSOPHIAE од д-р Бошко Караџов, неодамна излезе од печат, во издание на издавачката куќа „Аз-Буки“, како 76. книга во Библиотеката „Филозофија“.

Како што наведува издавачот, COMPENDIUM PHILOSOPHIAE претставува збирка на филозофски есеи, научно-популарни статии, научни огледи, расправи и други критички текстови од областа на филозофија на политиката, филозофија на јазикот, филозофија на културата и идентитетските теории.

Книгата е поделена во три дела. Во првиот дел со наслов „Онтологија на слободата“ се поместени есеи и огледи од областа на политичката филозофија кои говорат за вредноста на слободата низ призмата на анархо-пацифистичката филозофија, либертаријанската идеологија, марксистичката антропологија и минархизмот. Вториот дел е насловен „Филозофијата и јазикот“ и во него се приопштени критички текстови од областа на филозофијата на јазикот и јазикот на филозофијата. Во овој дел се говори за (не)оправданоста на опскурниот филозофски јазик, за софизмите и паралогизмите на античките ретори, за јазикот на дигиталната филозофска методика, за улогата на наративните дискурси во креирањето на историската вистина, за детскиот филозофски јазик и слично. Третиот дел носи наслов „Идентитет, предание и паганска политика“ и во него се вклучени научни расправи и анализи за македонското национално прашање, македонските културни политики и идентитетски стратегии.

Караџов е професор по филозофија и научен истражувач. Автор е на студијата Парадоксите на индуктивната логика („Аз-Буки“, 2020), како и на над 50-ина научно-филозофски текстови објавени во домашни и меѓународни филозофски и научни списанија.

Книгата наскоро ќе може да се најде во повеќето книжарници во Скопје и во Велес.

Би можело да ве интересира

Промоција на книгата „Осврти – рефлексии, илуминации и реминисценции“ од Виолета Калиќ

Ана Ололовска

Објавена книгата „Македонија меѓу уништувањето и самоуништувањето од проф. д-р Стефан Влахов-Мицов

Ана Ололовска

На Деновите на македонската книга во Москва претставена „Послание. Поезија на Блаже Конески на руски”

Ана Ололовска

Конкурс за текстови по повод 70-годишнината на литературното списание „Современост“

Ана Ололовска

Објавена монографија „Гордоста на Кавадарци“ од Тимчо Апостоловски

Ана Ололовска

Објавена монографијата „Дописниот шах во Македонија“

Ана Ололовска