Целосно реставрирана црквата „Св. Никола“ во охридски Косел

Од:

Со поддршка на Министерството за култура, стручните екипи на Заводот и музеј Охрид ја завршија шестата, последна фаза од проектот за конзервација и реставрација на архитектурата и на фрескоживописот на црквата „Свети Никола“ во охридското село Косел, проект вреден 3,9 милиони денари.

dobivaj vesti na viber

Како што соопшти Министерството, работите на црквата во континуитет се одвиваа од 2008 до 2014 со заштита на одделни секции од верскиот храм, кој датира од 15 век. Во текот на шесте етапи извршена е конзервација на архитектурата на црквата, која беше целосно распадната и за која постоеше опасност од уривање. Се работеше во внатрешноста на црквата на конзервацијата на вредниот фрескоживопис, се конзервираа оштетените фрески, а паралелно се работеше на новооткриениот живопис.

Со целиот проект, објектот статички е зајакнат, направено е целосно препокривање и фугирање на отпаднатите делови, истовремено е извршена дренажа околу црквата како примарна заштита од влагата и од неповолните надворешни влијанија. Исто така, се наведува, направено е и партерно уредување на црковниот двор.

Црквата „Свети Никола“, која е значаен споменик на културата, има специфична архитектура со мали димензии и со својот облик е сродна на повеќе еднокорабни цркви од околината на Охрид. Токму поради вредноста на нејзината архитектура и  нејзиниот фрескоживопис, таа е особено интересна за посетителите, се наведува во соопштението.

Би можело да ве интересира

ВИДЕО: Вредните икони украдени пред повеќе од деценија гнијат во Албанија оти Македонија ги заборави

Швајцарската драма „Сигурност“ во Охрид

Ана Ололовска

Богојављенски собир на светската хуманистичко – интелектуална елита на онлајн конференција во Охрид

Ана Ололовска

Доделена „Цветинова награда за мир” на протоереј професор д-р Рамотир Грозданоски

Ана Ололовска

„Цветиновата награда за мир“ за проф. д-р Ратомир Грозданоски

Ана Ололовска

Центарот за култура во Куманово успешно ја реализира програмата, во тек е реконструкција на театарот

Ана Ололовска