Божиќен концерт се одржа во Кавадарци

Од:

Во салата на Основното музичко и балетско училиште „Лазо Мицев-Рале“ во Кавадарци синоќа се одржа традиционалниот Божиќен концерт, со поддршка од Домот на културата „Иван Мазов-Климе” и локалната самоуправа.

– Кога започна оваа традиција, целта не беше да ги копираме големите светски градови. Едноставно, сакавме да покажеме со какви таленти располагаме. Дека сме расадник на таленти. Да ја потврдиме онаа народната, земи камен и фрли го било каде во Кавадарци, ќе удриш музички уметник, рече актерот Диме Коцевски, во улога на водител на концертот.

Настапија музичари кои биле, но и се уште се дел од музичкото училиште, кое постои пет децении, од ноември 1969 години. Се претставија ученици и професори, но и музичари кои некогаш се школувале овде, а станале успешни во своите професии.

Веќе има иницијатива, Кавадарци да добие и средно музичко училиште. Советот на општината во ноември лани донесе одлука за поддршка на елаборатот за основање на државно средно музичко училиште. Министерството за образование и наука треба да ја поддржи оваа иницијатива.

Би можело да ве интересира

Пожар во куќа во Кавадарци, за среќа не настрадал 70-годишниот сопственик

Ана Ололовска

Крводарителска акција во Кавадарци, собрани 46 единици крв

А1он

Кавадарци одлучи времено вработените во институциите во март да имаат ист статус како редовните

Ана Ололовска

Се затвора градскиот пазар во Кавадарци, Штабот за заштита со нови заклучоци

Ана Ололовска

Доктор од Кавадарци одел на работа, иако требал да биде во самоизолација

А1он

Падна првото обвинение – жител на Росоман се вратил од Германија и одбил да оди во самоизолација

А1он